పొట్టి శ్రీరాములు ఆత్మత్యాగం - కఠోరనిజాలు

మద్రాసు రాష్ట్రంలో తెలుగు మాట్లాడేవారికి మద్రాసు రాజధానిగా ప్రత్యేకరాష్ట్రం కావాలనే డిమాండుతో పొట్టి శ్రీరాములు 58 రోజులు ఆమరణ నిరాహార దీక్ష చేసి ప్రాణత్యాగం చేశాడనేది అందరికీ తెలిసిన  విషయమే. కాకపోతే మన చరిత్ర పుస్తకాలలో దీనికి కాస్త మసిపూసి పొట్టి శ్రీరాములు తెలుగు మాట్లాడే అందరి కొరకు ప్రత్యేక రాష్ట్రం కొరకు దీక్ష చేశాడు, ఆదీక్ష ఫలితంగా ఆంధ్ర ప్రదేశ్ (ఆంధ్ర రాష్ట్రం కాదు!! ) ఏర్పడింది అని ప్రచారం చేశారు, అదే  మన బడులలో నేర్పించారు. సరే, ఏదో ఒకటి, కానీ అసలు పొట్టి శ్రీరాములు త్యాగం నిజంగా తప్పనిసరి పరిస్థితిలోనే జరిగినదా లేక ఈత్యాగాన్ని అప్పటి నాయకులు ఆపగలిగి ఉండి కూడా ఆపలేదా అనేది ఒక ప్రశ్న.


మనలో ఎక్కువమందికి తెలియని విషయమేమిటంటే ఆంధ్ర రాష్ట్ర ఏర్పాటుకోసం అప్పట్లో ఏర్పాటు చేసిన జేవీపీ కమిటీ ( ఇప్పటి శ్రీక్రిష్ణ కమిటీ లాగా మాయదారి కమిటీ కాదు) ఆంధ్ర రాష్ట్ర ఏర్పాటుకు సూత్రప్రాయంగా ఒప్పుకుంది. మద్రాసు నగరం విషయంలో మాత్రం ఆంధ్రా నేతలు తమ పట్టు విడవకపోవడంతో రాష్ట్ర ఏర్పాటులో జాప్యం జరుగుతుంది. ఆసమయంలో మద్రాసు ఆంధ్ర రాష్ట్ర రాజధానిగా ఉండాలనే డిమాండుతో పొట్టి శ్రీరాములు  దీక్షను ప్రారంభించాడు. అప్పటి ప్రత్యేక వాదుల్లో (వేర్పాటు వాదులు?!) ముఖ్యమయిన నేతలయిన ప్రకాశం పంతులు, సంజీవరెడ్డి, గోపాలరెడ్డి లాంటి వారికి మద్రాసు రాజధాని సాధించడం సాధ్యం కాదని తెలిసినా వారెవరూ పొట్టి శ్రీరాములును వారించలేదు. పొట్టి శ్రీరాములు స్వతహాగా రాజకీయనాయకుడు కాదు, కాబట్టి రాజకీయనాయకుల కుతంథ్రాలు పెద్దగా తెలియవు. అతను చిన్నవయసులోనే భార్యా, పిల్లల వియోగం జరిగి గాంధేయవాదం స్వీకరించాడు.


పొట్టి శ్రీరాములు దీక్ష చేపట్టిన తరువాత అనేకసార్లు ప్రభుత్వం రాష్ట్ర ఏర్పాటు తమకు సమ్మతమే అని తెలిపినప్పటికీ శ్రీరాములు తన దీక్ష విరమించలేదు. దీక్ష మొదలయిన యాభై రోజుల తరువాత శ్రీరాములు పూర్తి అపస్మారక స్థితిలో ఉండి సొంత నిర్ణయం తీసుకోలేని స్థితిలో ఉన్నాడు. ఆసమయంలో బూర్గుల రామక్రిష్ణారావు గారు శ్రీరాములుకు దీక్ష ఆపమని చెబుతూ నెహ్రూ తరఫున ఈవిధంగా టెలిగ్రాం పంపించాడు.
 “Your fast is causing much anxiety and distress in the whole country. Panditji (Jawaharlal Nehru) is prepared to constitute a Boundary Commission immediately and has given an assurance of other steps. I earnestly entreat you to break your fast, and give all leaders a fair opportunity.”
(http://www.hindu.com/2002/12/14/stories/2002121401100902.htm)


ఈపరిస్థితిలో నిజంగా అప్పటి కాంగ్రేస్ నాయకులకు శ్రీరాములు ప్రాణాలపై ప్రేమ ఉంటే అతని దీక్షను ఆపించి వైద్యం చేపించేవారు. కానీ ఎవరూ అలాంటి నిర్ణయం తీసుకోలేదంటే అప్పటివారికి శ్రీరాములు ప్రాణాలపై ఉన్న నిబద్దత తెలుస్తుంది. ఇంతకంటే మరో  కఠోరమయిన విషయం ఇంకోటి ఉంది.  జీవీ రామక్రిష్ణారావు అనే ఒక అప్పటి IAS అధికారీ, మాజీ ఆంధ్రప్రదేశ్ చీఫ్ సెక్రటరీ తన ఆటోబయోగ్రఫీలొ శ్రీరాములు దీక్ష మొదలుపెట్టాక ఆహారం కోసం తన మద్దతుదారులను ఎంతబతిమిలాడినప్పటికీ వారు ఆయన అభ్యర్థనలు పట్టించుకోలేదని రాశారు. ఇదే నిజమయితే మాత్రం ఇన్నాల్లూ శ్రీరాములును జాతిరత్నంగా ప్రచారం చేసినవారు తమ నాయకుల వంచనకు సిగ్గుతో  తలలు వంచుకోవలసిన విషయం. రామక్రిష్ణారావు బయోగ్రఫీలోనీ సంబంధిత పేరా యధాతధంగా ఇలా ఉంది.

ఒకవేళ G.V: Ramakrishna Rao తన ఆటోబయోగ్రఫీలో రాసుకుంది నిజం అయినా కాకపోయినా, మిగతా విషయాలు చాలు అప్పటి ఆంధ్ర నాయకులను ఎండగట్టడానికి. మద్రాసును సాధించడం సాధ్యపడదనీ, ఒకవేళ సాధ్యమయినా అది ఇరువర్గ ప్రజలకు సంబందించినది కాబట్టి కేవళం సత్యాగ్రహం అనబడే ఎమోషనల్ బ్లాక్‌మెయిల్ ద్వారా పొందడం సాధ్యపడదనీ, సుదీర్ఘ మంతనాలు అవసరమనీ తెలిసీ శ్రీరాములును ఎందుకు దీక్షకు ఉసిగొలిపారు, ప్రభుత్వం రాష్ట్ర ఏర్పాటుకు అంగీకరించి, శ్రీరాములు అపస్మారక స్థితిలో ఉన్నప్పటికీ ఎందుకు దీక్షను విరమిపజేసి వైద్యం అందించలేదు? దీనివలన తేలేదేమంటే పోట్టి శ్రీరాములు ఆంధ్ర కొరకు ఆత్మత్యాగం చెయ్యలేదు, కొందరు స్వార్ధ నాయకులహేత రాజకీయ అవసరాలకొరకు బలిపశువయ్యాడు.
  

source: missiontelangana.com