విడిపోతే నష్టం ఎవరికి?

Image courtesy: http://gideetelangana.blogspot.com/

పదేళ్ళనుండీ మలిదశ తెలంగాణ ఉద్యమం జరుగుతున్నపుడూ, రాష్ట్రంలో అన్ని పార్టీలు తెలంగాణను మానిఫెస్టోల్లో పెట్టి రాజకీయం చేస్తున్నప్పుడూ ఏనాడూ పట్టించుకోని సీమాంధ్రులు డిసెంబర్ 9 చిదంబరం ప్రకటన తరువాత ఏదో కొంపలు మునిగిపోయినట్లు సమైక్యాంధ్ర ఉద్యమాన్ని లేవదీశారు. ఈఉద్యమం నాయకులు తయారుచేసిన కృత్రిమ ఉద్యమం అయినప్పటికీ ఈఉద్యమం ద్వారా మీడియా సహాయంతో వీరు తెలంగాణ వస్తే ఆంధ్రా ప్రజలకు నష్టం వాటిల్లుతుంది, హైదరాబాదునుండి తరిమేస్తారు, క్రిష్ణా గోదావరి నీల్లు రావు లాంటి భయాందోళనలు సృష్టించడంలో కృతకృత్యులయ్యారు.  అసలింతకూ రాష్ట్రం విడిపోతే సీమాంధ్రలో నష్టపొయ్యేదెవరో, లాభపడేదెవరో విశ్లేషించాల్సిన అవసరం ఉన్నది.

1) ప్రస్తుతం మన రాష్ట్రంలో అధికారం ఎప్పుడూ రెండు అగ్రకులాల చేతుల్లోనే ఉంటుంది. ఒకసారి కమ్మలకు అధికారం వస్తే మరోసారి రాయలసీమ రెడ్లకు వస్తుంది. రాష్ట్రజనాభాలో వీరిశాతం కొద్దిదయినప్పటికీ అధికారం వీరిచేతిలో ఉండడానికి కారణం పెద్దరాష్ట్రంలో అధికారం రావాలంటే కావాల్సిన ధనబలం, మీడియా బలం వీరిదగ్గర ఉంది.  రాష్ట్రం విడిపోతే సీమాంధ్రలోని దళితులు, బీసీలు అధికారానికి దగ్గరవుతారు. ఈకారణం వల్లే సీమాంధ్రలోని దళిత మహాసభ, బీసీలు విభజనకు మద్దతు ఇస్తున్నారు.

2) సమైక్యరాష్ట్రంలో తెలంగాణలాగే ఉత్తరాంధ్ర కూడా నిర్లక్ష్యానికి గురి అయ్యింది. రాష్ట్ర విభజన జరిగితే చిన్న రాష్ట్రంలో ఉత్తరాంధ్ర నాయకులు తమ డిమాండ్లను గట్టిగా వినిపించి తమప్రాంతానికి ఎక్కువ నిధులు తెచ్చుకునే అవకాశం ఉంటుంది.

3) సీమాంధ్రలోని మరో ప్రముఖ సామాజికవర్గమయిన కాపులు సమైక్యరాష్ట్రంలో అధికారంలోకి రావాలని ఎప్పటినుంచో కలలు కంటున్నా వారికలలు నిజం కావడంలేదు. విభజన జరిగితే వీరు సీమాంధ్రలో బలమయిన వర్గంగా తయారవుతారు. అప్పుడు వీరికి అధికారం రావడం చాలా సులభం.

4) ఓడరేవు, పరిశ్రమలూ కలిగిన విశాఖ అత్యంత వేగంగా అభివృద్ధి చెంది త్వరలో దేశంలో పెద్ద నగరంగా ఎదగగలదు.

5) కొత్త రాజధాని ఎక్కడయితే అక్కడ రాజధానివలన అబివృద్ధి జరిగి ఆప్రాంత ప్రజలకు మేలు జరుగుతుంది.

6) విడిపోతే ఇప్పుడు ఉన్న ప్రభుత్వోద్యోగులు రెండు రాష్ట్రాలలో విడిపోయినప్పటికీ కొత్త ఉద్యోగాలు సీమాంధ్రలో ఎక్కువగా అవసరం అవుతాయి. హైదరాబాదులో ఉండే ఆంధ్రా ప్రాంత ఉద్యోగులు ఎక్కువమంది అక్కడే ఉండడానికి ఇష్టపడతారు కనుక వారి స్థానాలవల్ల ఆంధ్రాప్రాంత యువకులు ఎక్కువలబ్ది పొందురారు.

ఈవిధంగా సీమాంధ్రలో సుమారు ఎనభైఅయిదు శాతం దాకా విభజన వలన లాభపడతారు. కానీ నష్టపోయే కొద్దిశాతం మంది మొత్తం అందరికీ విభజనవలన నష్టం కలుగుతుందే అనే ఒక భయాందోళన క్రియేట్ చేశారు. ఇంతకూ ఈనష్టపొయే కొద్దిమంది ఎవరు?

1) లగడపాటి, రాయపాటి, కావూరు, సుబ్బరామిరెడ్డి, టీజీ వెంకటేశ్ లాంటి సీమాంధ్ర నాయకులు సివిల్ కాంట్రాక్టు వ్యాపారాలు చేస్తూ అధికారం ద్వారా సమైక్యరాష్ట్రంలో ప్రభుత్వ కాంట్రాక్టులు కొట్టేస్తున్నారు. విభజన జరిగితే వీరు ఇక సీమాంధ్ర ప్రాంతంలోని కాంట్రాక్టులకే పరిమితం కావాల్సి వస్తుంది.

2) రాష్ట్రంలో ప్రింట్, ఎలక్ట్రానిక్ మీడియా వ్యాపారంలో ఉన్నవారు విభజన వలన తమ వ్యాపారాన్ని రెండుగా విడగొట్టి రెండు ప్రాంతాల్లో రెండు సంస్థలుగా నడపడమో లేక ఏదో ఒక ప్రాంతానికి పరిమితం కావడమో చేయాల్సివస్తుంది. వీరి వ్యాపారాలకు విభజన దెబ్బ తీవ్రంగా ఉంటుంది.

3) అధికారాన్ని అడ్డుపెట్టుకుని హైదరాబాదులో భూకబ్జాలకు పాల్పడ్డ సీమాంధ్ర నాయకులకు పెద్ద దెబ్బే తగులుతుంది. విభజన తరువాత హైదరాబాద్ పరాయి రాష్ట్రంలో భాగమవుతుంది. సొంతరాష్ట్రంలో ఉన్న అధికారసౌలభ్యం అక్కడ ఉండదు.

4) సమైక్య రాష్ట్రంలో రాజకీయ, మీడియా, సినీఫీల్డ్, వ్యాపార రంగాల్లో ముందుండి క్రిష్ణ కింద పొలాలు అధికంగా కలిగిన కమ్మసామాజిక వర్గం ప్రస్తుతం సమైక్యరాష్ట్రంలో విపరీతంగా లాభపడుతుంది. విభజన వల్ల వీరికి గట్టి దెబ్బ తగులుతుంది. వీరి వ్యాపారాలు ఒక రాష్ట్రంలో, వీరి జనాభా మరొక రాష్ట్రంలో మిగిలిపోయి రెండు రాష్ట్రాల్లో వీరు అధికారానికి దూరమవుతారు.

5) రాయలసీమలో ఫాక్షన్ రాజకీయాలు చేసే వర్గానికి విభజన వలన దెబ్బ తగులుతుంది. చిన్నరాష్ట్రంలో బడుగులు అధికారానికి దగ్గరయితే వీరి పెద్దరికం తగ్గిపోయి అధికారం దూరం కావొచ్చు.

మొత్తంగా విభజన వలన సీమాంధ్రలో మెజారిటీ లాభపడితే కొద్దిశాతం మందికి మాత్రం నష్టం జరుగుతుంది. నిజానికి దీన్ని నష్టం అనడం కూడా సరికారు. మితిమీరిన లాభం అనుభవిస్తున్న వారికి కొంత లాభం తగ్గితే అది నష్టం కాదు. అయినా మనిషి ఆశకు అంతులేదుకదా, వీరు దాన్ని నష్టం కింద లెక్కేసుకుని తమలాభం తగ్గకూడదనే దురుద్దేశంతో రాష్ట్ర విభజనకు అడ్డుపడుతూ విభజన జరిగితే సీమాంధ్రలో అందరికీ నష్టం అన్న అభిప్రాయాన్ని కలుగజేస్తున్నారు. ఇకనయినా సీమాంధ్రలోని మిగతా ఎనభై ఐదు శాతం మంది తమపై జరుగుతున్న కుట్రను తెలుసుకుని దాన్నుంచి బయటపడితే తెలంగాణలో, సీమాంధ్రలో మెజారిటీకి లాభం జరిగేలా విడిపోవచ్చు.

చివరగా...విభజనను అడ్డుకునేవారు తెలుగు జాతి విడిపోగూడదు, తెలుగు జాతి ఐక్యత లాంటి కబుర్లెన్నో చెబుతారు, కానీ వారి అసలు ఉద్దేషం  విభజన వలన వారి లాభాలు తగ్గిపోవడమే. లేకపోతే తెలంగాణకు న్యాయం జరుగుతుందనగానే జై ఆంధ్ర ఉద్యమాన్ని లేవదీసినవారికి తెలుగుజాతి ఐక్యతపై ఒక్కసారి అంతప్రేమ ఎలాపుట్టుకొస్తుంది? సీమాంధ్ర సామాన్య ప్రజలారా, ఆలోచించండి.

ఇది ఫుడ్ ఫాసిజం!

ఉస్మానియాలో దళిత,బహుజన విద్యార్థి సంఘాలు తలపెట్టిన బీఫ్ ఫెస్టివల్, ఏబీవీపీ, ఆరెస్సెస్ కార్యకర్తలు అడ్డుకోవడంతో ఉద్రిక్తతకు దారితీసింది. ఇరువర్గాలూ ఘర్షణ పడగా పోలీసులు లాఠీచార్జీ, భాష్పవాయుప్రయోగం చేయాల్సివచ్చింది. గతసంవత్సరం కూడా దళిత విద్యార్థులు బీఫ్ ఫెస్టివల్ చేసినప్పుడు రైట్‌వింగ్ వారు అడ్డుకుని ఆహారంలో మూత్రవిసర్జన జరిపినట్లు సమాచారం. కాగా ఈసారి దలితులు అప్రమత్తంగా ఉన్నప్పటికీ వారి ఫెస్టివల్ ఉద్రిక్తతుకు దారితీసింది.

దళితులు ఎద్దుమాంసం ఒక డెలికసీ. ఎద్దు, దున్నపోతు మాంసాలు వారు ఇష్టంగా తింటారు. వందల సంవత్సరాలనుంచీ ఇతర సమాజానికి దూరంగా విసిరివేయబడ్డట్టు బతుకు కొనసాగించిన దలితులు ఊర్లో ఎవరింట్లోనైనా గొడ్లు చనిపోతే వాటిని తీసుకెల్లి కోసి మాంసం తిని చర్మంతో చెప్పులు తయారుచేసేవారు. మున్సిపాలిటీ లాంటి వ్యవస్థలు లేని ఆకాలంలో వీరు చచ్చిన గొడ్లను తీసుకెల్లి మిగతా సమాజానికి చచ్చిన గొడ్లు కుల్లిపొయి వ్యాధులు వ్యాపించకుండా సేవ చేశారు. ఇప్పుడు వారు గొడ్డుమాంసం తినడం ద్వారా తమ మనోభిప్రాయాలు దెబ్బతింటున్నాయని రైట్ వింగ్ అభిప్రాయం. ఈమొత్తం పరిణామం అనేక ప్రశ్నలకు తావిస్తుంది.

గొడ్డు మాంసం తినడాన్ని అడ్డుకుంటున్న వారిలో అనేకులు గొర్రె, మేక మాంసం తినేవారే. రేపెవరయినా వచ్చి గొర్రె, మేక వారికి తల్లి లాంటివి, దేవతలతో సమానం కనుక ఎవరయినా వాటి మాంసం తింటే తమ మనోభిప్రాయాలు దెబ్బతింటాయి అని చెబితే ఎంతమంది  తినడం మానేస్తారు? ఇప్పుడు అడ్డుకున్న వారిలో అనేకులు రేప్పొద్దున విదేశాలకెల్తారు. అక్కడ ఆఫీసు క్యాంటీనులో తమపక్కనే కూర్చొని తెల్లొల్లు గొడ్డుమాంసం తింటుంటే వీల్లమనోభావాలు దెబ్బ తినవా? దెబ్బతింటే తెల్లొల్లకు గొడ్డుమాంసం తినొద్దని వీరు అడ్డు చెబుతారా?

అంటే గొడ్డుమాంసం తినే దళితులు తమకంటే తక్కువవారు కనుక వారి హక్కులకు భంగం కలిగించొచ్చు.ఏమయినా అంటే మామనోభావాలు దెబ్బతిన్నాయని చెప్పొచ్చు. తెల్లోడు మనకన్న బలవంతుడు, ఎక్కువమాట్లాడితే ఎగిరి తన్నుతాడు కనుక తెల్లోడు పక్కన కూర్చొని గొడ్డుమాంసం లాగిస్తున్నా నోర్మూసుకుని ఊర్కుంటారు. మేకని తింటే తమ మనోభావాలు దెబ్బతింటాయని ఎవరైనా చెబితే ముందు ఎదుటివారి బలం ఎంత అని చూసి, బలవంతుడయితే ఆపేస్తారు, బలహీనుడయితే పట్టించుకోరన్నమాట!!

అసలు దళితులు బీఫ్ ఫెస్టివల్లో తినేది, మన రాష్ట్రంలో దొరికేది ఆవు మాంసం కాదు, ఎద్దు, బర్రె, లేదా దున్నపోతు మాంసం. తినేది ఆవు మాంసం కానేకానప్పుడు ఎవరి మనోభావాలు మాత్రం ఎందుకు గాయపడాలి? ఎద్దు మాంసంతో బూట్లు చేస్తే చక్కగా కొనుక్కుని తొడుక్కున్నప్పుడు ఎద్దుమాంసం తింటే మనోభావాలు ఎందుకు దెబ్బతినాలి? వీల్లనెవ్వరూ తినమనలేదే? పక్కవారు తింటూంటే ఎవరికి మాత్రం ఏం నష్టం? అసలు గొడ్డు మాంసం తినగూడదు, మేక, గొర్రెలను తినొచ్చని ఏమతగ్రంధం చెప్పింది?

అసలు నిజానికి హిందువులు గొడ్డుమాంసం తినకపోవడానికి మతంతో సంబంధం లేదు. వ్యవసాయ ప్రధానమయిన దేశంలో పశువులు సాధారనంగా ప్రజలకు, ముఖ్యంగా రైతులకు పెంపుడు జంతువులలాంటివి. పెంపుడు జంతువులను తినడానికి మనసొప్పదు కనుక గొడ్డుమాంసం తినడం మానేశారు అనేది ఒక థీరీ కాగా పశుసంపద తగ్గిపోగూడదనే ఉద్దేషంతో గొడ్డుమాంసం తినడం మానేశారనేది మరొక వాదన. ఇప్పుడు కొత్తగా ఆరెస్సెస్ దీన్ని మతానికి లింకు పెట్టి తినొద్దని శాసిస్తే వేలసంవత్సరాలనుండి గొడ్డుమాంసాన్ని ఇష్టంగా తింటున్న దళితులు ఇప్పుడెందుకు మానెయ్యాలి?

బీజేపీ, ఆరెస్సెస్ల ఫాసిస్టు పోకడలవల్ల తెలంగాణలో ఎప్పుడో ఈపార్టీకి ప్రజలు పాతరేశారు. ఇప్పుడు తెలంగాణవాదంవల్ల మహబూబ్‌నగర్లో గెలిచిన బీజేపీ ఇది తమ సొంతబలమనుకుని మల్లీ ఫాసిస్టు పోకడలకు పోతే నష్టపోయేది వీరే. మతవిశ్వాసాలు, భొజనపు అలవాట్లూ మనుషుల వ్యక్తిగత విషయాలు, వీటిపై ఎవ్వరూ మరొకరిని శాసించలేరని బీజేపీ ఇకనయినా తెలుసుకుంటే మంచిది.

తెలంగాణను అడ్డుకునేందుకు హైదరాబాదులో అల్లర్లు

హైదరాబాదులో హిందువులూ ముస్లిములూ ఎన్నో ఏల్లుగా కలిసి ఉంటున్నారు. ఒకరి పండగలలో మరొకరు ఆనందం పంచుకుంటారు. గుల్లమధ్యలో దర్గాలు ఉంటాయి. హిందువులూ, ముస్లిములమధ్య మతపరమయిన విద్వేషాలు ఇక్కడ పెద్దగా ఎప్పుడూ లేవు. అప్పుడప్పుడూ చెదురు మదురు సంఘటనలు జరిగినా ప్రజలు ఎప్పుడూ సమ్యమనం పాటించేవారు. ఎప్పుడయినా ఇక్కడ అల్లర్లు జరిగినపుడు సాధారణంగా దానికి కారణం ఎవరో రాజకీయ లబ్దికోసం విద్వేషాలు రగిల్చడం వలననే.

1991లో ఇక్కడ పెద్ద ఎత్తున అల్లర్లు జరిగాయి. చెన్నారెడ్డి ముఖ్యమంత్రిగా కొనసాగుతున్న ఆసమయంలో విపరీతమయిన ఘర్షణలతో పాతబస్తీలో మాత్రమే కాక సికందరాబాదులో కూడా అల్లర్లు జరిగాయి. ఒక్కరోజు ఒక్క వాడలో జరిగిన అల్లర్లలో వందమందికి పైగా మరణించారు. అయితే ఈఅల్లర్లు మామూలు మతకల్లోహాలు మాతేం కావు. ఒకే బస్టాపులో ఒక హిందువు ఒక ముస్లిమూ నుంచుంటే ఇద్దరికీ ఒకేమూకనుండి కత్తిపోట్లు జరిగాయి. ఒకేపేటలో ఒకేసారి హిందూ కుటుంబాలూ, ముస్లిం కుటుంబాలు కూడా కత్తిపోట్లకు గురయ్యాయి. అవి ఎవరూ చేపించారు, ఎవరు చేశారు అనేది అందరికీ తెలిసిన బహిరంగ రహస్యం. ముక్యమంత్రి పదవి నుంచి చెన్నారెడ్డిని తప్పించడం కోసం మన మహానేత కడపనుంచీ, అవనిగడ్డనుంచీ కిరాయిగూండాలను దించాడని అందరికీ తెలిసిందే. ఈవిషయాన్ని స్వయంగా అప్పటి  ముఖ్యమంత్రి అసెంబ్లీలో చెప్పారు.

ఇప్పుడు మల్లీ హైదరాబాదులో ఘర్షణలు మొదలయ్యాయి. కారణం ఎవరో హనుమాన్ గుడిలో ఆవు కాలిని వెయ్యడం, విగ్రహానికి పచ్చరంగును పులమడం. ఆతరువాత వెంటనే కాచుకుని కూచున్నట్టు రెండు వర్గాలు రాల్లు రువ్వుకోవడం. హనుమంతుని గుడిని పనిగట్టుకుని అపవిత్రం చేద్దామనే ఆలోచన ఎన్నడూ లేనిది ఇప్పుడు చేద్దామనే ఆలోచన ఎవరికి మాత్రం కలుగుతుంది? అదికూడా మొన్నిమధ్యనే సంగారెడ్డిలో సీమాంధ్రనాయకుల తొత్తు చేయించినట్లు తెలియబడ్డ అల్లర్లు జరిగిన కొద్దిరోజుల్లోనే ఇక్కడ ఎందుకు జరిగాయి?

దీనికి కారణం తెలుసుకోవడం పెద్దకష్టమేమీ కాదు. తెలంగాణ వస్తే మతఘర్షణలు జరుగుతాయని దుష్ప్రచారం చేస్తున్న సీమాంధ్ర నేతలు తమప్రచారం నిజమని నిరూపించి తెలంగాణను అడ్డుకోవడం కోసం చేసినపని అనేది బహిరంగరహస్యం. ఉపేన్నికల్లో మహబూబ్నగర్లో బీజేపీ గెలవడంతో అల్లర్లు సృష్టించి దీనికీ బీజేపీఏ కారనమని చెప్పడం కోసం చేసిన ప్రయత్నమిది.

హైదరాబాదులో భూములను కబ్జాలు చేసి ఆకబ్జాలను కాపాడుకోవడంకోసం సమైక్యనాటకమాడుతున్న నేతలు హైదరాబాదులోకి సీమ నుండి ఫాక్షనిస్టు రౌడీలను తెచ్చి రియల్ ఎస్టేట్ దందాలు చేస్తున్న వీరు ఇప్పుడు మతఘర్షణలకు తెరలేపుతున్నారు. కుట్రలోతో తెలంగాణను అడ్డుకునేప్రయత్నం చేస్తున్న ఈమోసగాల్ల ఆటలు ప్రజలకు ఇప్పటికే తెలిస్రావడంతో వీరి ఆటలు చెల్లడం లేదు. వీరు విద్వేషాలు రగిలించినా ప్రజలు మాత్రం వీరి మోసపు ఎత్తుగడలనుంచి అప్రమత్తంగానే ఉన్నారు. ఇలాంటి నీచపు ఎత్తుగడలను ఈమోసపు నేతలు ఇకనయినా మనుకోకపోతే ప్రజలచేతిలో వీరికి గుణపాఠం తప్పదు.

బలిదానాలకు కారణభూతమవుతున్న సీమాంధ్ర మరియు నేషనల్ మీడియా

మల్లీ తెలంగాణ ఉద్యమంలో ఆత్మబలిదానాలపర్వం మొదలయింది. రెండున్నరేళ్ళక్రితం కేసీఆర్ నిరాహారదీక్ష సమయంలో శ్రీకాంతాచారి ఎల్బీనగర్లో ఒంటిమీద కిరోసిన్ పోసుకుని చనిపోవడంతో మొదలయిన బలిదానాలపర్వం కొద్దిరోజులుగా బలిదానాలు  తగ్గిపోయాయని ప్రజలు కాస్త ఊరటపడుతున్న సమయంలో చీఫ్‌విప్ గండ్ర తెలంగాణవాదం తగ్గిపోయిందని మాట్లాడి మరోసారి బలిదానాలకు తెరదించారు.

అసలింతకూ ఆత్మహత్యలు ఎందుకు జరుగుతున్నాయి? ఉద్యమంలో ఆత్మబలిదానాల అవసరం ఏముంది? ఉద్యమకారులు ప్రభుత్వంపై నిరశన తెలపాటానికి ఇంకా అనేకమార్గాలు ఉండగా ఈవిపరీత విధానాన్నే ఆయుధంగా ఎందుకు ఎన్నుకుంటున్నారు? దీనికి సమాధానం తెలుపును తెలుపుగా,నలుపును నలుపుగా చూపించాల్సిన మీడియా బాధ్యత మరచి వ్యవహరించి మిగతా నిరశన మార్గాలకు గొళ్ళెం పెట్టడం వల్లేనని చెప్పొచ్చు.

తెలుగు మీడియా డిసెంబరు 9, 2009 తరువాత తెలంగాణపై కక్షగట్టినట్టు వ్యవహరించి ఉద్యమానికి వ్యతిరేకంగా పనిచేస్తుండగా నేషనల్ మీడియా శ్రీక్రిష్ణ కమిటీ ఏడో అధ్యాయం వల్లనేమో అసలు తెలంగాణ అనేప్రాంతమే ఈభూమిమీదలేదన్నట్టు వ్యవహరిస్తోంది. మీడియా అనుసరిస్తున్న ఈపక్షపాతవైఖరివల్ల సామాన్య, పేద యువకులకు ఈప్రభుత్వం వైఖరిపై నిరశన వ్యక్తం చెయ్యడానికి మరేమార్గం లేకుండా పోయింది.

ఇక్కడ ఉస్మానియాలో వెయ్యిమంది విద్యార్థులు ఒక్కసారి సామూహిక నిరాహారదీక్షలకు పాల్గొంటే మీడియా ఆఖరుపేజీలోకూడా ఆఊసే ఉండదు. ఇక్కడ విద్యార్థుల శాంతియుత ర్యాలీలను పోలీసులు అన్యాయంగా అడ్డుకుని విచక్షణారహితంగా ఉస్మానియాలోనూ, నిజాం కాలేజీలోనూ కొడితే ఆసంఘటనలు మీడియా పచ్చకామెర్ల కళ్ళకు అందవు.ఇక్కడ సబ్బండవర్గాలు కలిసికట్టుగా సకలజనులసమ్మె చేస్తే అసలేమీ జరగట్లేదన్నట్లు వ్యవహరిస్తున్నారు. ఇవన్నీ చాలవన్నట్లు ఉప-ఎన్నికల్లో అన్నిస్థానాల్లోనొ తెలంగాణ అనుకూల పార్టీలు దిగ్విజయం చెందినా మసిపూసి మారేడుగాయజేసి వోట్లశాతం తగ్గింది, తెలంగాణవాదం తగ్గింది అంటూ ప్రచారం మొదలు పెడతారు.

ప్రజల ఆకాంక్షలను ప్రభుత్వానికి అందజేయాల్సిన బాధ్యతను మీడియా నిర్వర్తించడం మరిచినందువల్ల ఇక సామాన్యుడికి తనగొంతును వినిపించే అవకాశం పోయింది. తామేం చేసినా, ఎంత ఉధృతంగా సమ్మెచేసినా కనీసం ఆవార్త ప్రపంచానికి చేరకపోతే ఇంకా తాము శాంతియుతమార్గాలద్వారా నిరశన తెలిపి లాభంలేదనే నిరాశ యువకుల్లో వ్యాప్తించింది. స్వతహాగా శాంతికాముకులూ, ఫాక్షన్, రౌడీ రాజకీయాలకు దూరమైన తెలంగాణ ప్రజలు తమ ఆగ్రహాన్ని హింసారహితంగా ఎలావ్యక్తం చేయాలో తెలియని అనిశ్చిత స్థితిలోకి వెల్లారు. పరిణామం, తమ నిరశన తెలపటానికి ఆత్మబలిదానాలద్వారా తమను తామే హింసించుకుంటున్నారు.

తెలంగాణ ఉద్యమంలో జరుగుతున్న ఆత్మబలిదానాలకు పూటకో మాట మార్చి వచ్చిన తెలంగాణను అడ్డుకున్న మోసపునేతలు ఎంత బాధ్యులో తమ బాధ్యత మరిచి పక్షపాతబుద్దితో వ్యవహరిస్తూ వృత్తిద్రోహం చేస్తున్న మీడియాకూడా అంత బాధ్యులు. తెలంగాణా ఈమీడియాకు అక్కరలేకపోతే మనకూ ఈపక్షపాత మీడియా అవసరం లేదు. ఉద్యమానికి వ్యతిరేకంగా వ్యవహరిస్తున్న సీమాంధ్ర మీడియానూ, తెలంగాణ అసలు లేనట్లు వ్యవహరిస్తున్న జాతీయ మీడియానూ తెలంగాణాలో బహిష్కరిద్దాం.

ఆంధ్రామ్యాపుకు అలవాటుపడదాం

ఇప్పుడు తెలుగు జాతి ఐక్యత అంటూ బీరాలు పోయే సీమాంధ్రులు మద్రాసు నుండి విడిపోయేప్పుడు కోట్లాడింది తెలుగు జాతి మొత్తనికి రాష్ట్రం కోసం కాదు, మద్రాసు రాజధానిగా ఆంధ్ర ప్రాతం రాష్ట్రం కోసం అనే విషయం మనకు ఇన్నాల్లూ పాఠ్యపుస్తకాల్లో దాచిపెట్టినా ఇప్పుడు అందరికీ తెలిసిన సత్యమే. ఇదే ఆంధ్ర రాష్ట్ర పటానికి జేజేలు పలుకుతూ 1953 లో "బాల" మాగజైన్‌పై వచ్చిన ముఖ చిత్రాన్ని ఇక్కడ చూడొచ్చు.

తెలంగాణ రాష్ట్ర ఏర్పాటు దగ్గరికి వచ్చిన ఈసమయంలో సీమాంధ్రులు ఇక తమ పాత మ్యాపుకు మెల్లిగా అలవాటు పడడం మొదలుపెడితే మంచిదేమో. అలాగే ఎలాగూ తథ్యమైన రాష్ట్ర విభజన గురించి చర్చలు మాని విడిపోయినాక కొత్త రాజధాని ఎక్కడ పెట్టుకోవాలి, రెండు రాష్ట్రాలు ఏర్పడాలా లేక మూడు రాష్ట్రాలా, ఖమ్మంలో కలిపిన గోదావరి సిగ్మెంటు తెలంగాణకు చెందాలా లేక ఆంధ్రకా లాంటి ప్రాక్టికల్ ఇష్యొలపై చర్చ జరపడం ఉత్తమం.

విశాలాంధ్రే తెలంగాణ కోరుతుంది

ఇటీవల నమస్తే తెలంగాణ పత్రిక ఆవిష్కరణ సందర్భంగా విశాలాంధ్ర పత్రిక ఎడిటర్ శ్రీనివాస్ రెడ్డి తన ప్రసంగంలో చెప్పిన మాట "ఇప్పుడు విశాలాంధ్రే తెలంగాణ కోరుతుంది" అని. ఔను, నిజం. విశాలాంధ్ర ఉద్యమం మొదలు పెట్టింది సీపీఐ. సీపీఐ వారి దిన పత్రిక, ప్రచురణాలయం పేర్లు కూడా "విశాలాంధ్ర". ఇప్పుడు ఆ సీపీఐ కూడా తెలంగాణ కోసం ఉద్యమబాట పట్టింది.

తెలంగాణ సాయుధ పోరాటాన్ని మొదలు పెట్టిన సీపీఐ ఆతరువాతి కాలంలో ఆంధ్ర నాయకుల ప్రభావం వలన ఆంధ్ర ప్రాంతంతో కలిస్తే కమ్యూనిస్టులకు రాష్ట్రంలో బలం వస్తుందని నమ్మి విశాలాంధ్ర ఉద్యమం చేపట్టింది. అసలు ఫజల్ అలి తెలంగాణ, ఆంధ్ర ప్రాంతాలు కలవడానికి ఐదు సంవత్సరాలు ఆగి, ఎలక్షన్లతరువాత ప్రజల అనుమతితో కలవాలని చెప్పినప్పటికీ అలా జరగకపోవడానికి కారణం అప్పటి కమ్యూనిస్టులే. 1969లో కూడా తెలంగాణ ఉద్యమం తీవ్రంగా ఉన్నప్పుడు కూడా సీపీఐ ఉద్యమానికి వ్యతిరేకంగా పనిచేసింది.

కానీ ఇప్పుడు యాభై సంవత్సరాల అనుభవంతో తెలంగాణకు జరుగుతున్న అన్యాయం కల్లకు కట్టినట్టుగా కనిపిస్తుంటే సీపీఐ నాయకత్వం చివరికి వాస్తవాన్ని గమనించి తెలంగాణకు అనుకూలంగా నిర్ణయం తీసుకుంది. చిదంబరం ప్రకటన తరువాత మిగతా పార్టీలు వెనక్కి తగ్గినా సీపీఐ తమ మాటకు కట్టుబడి ఉండడమే కాదు ఇప్పుడు ప్రత్యక్షంగా ఉద్యమంలో పాల్గొంటుంది.

కొంతమంది సీపీఐ దగ్గర "విశాలాంధ్ర" పేరును అరువు తెచ్చుకొని ఒక వెబ్‌సైటును పెట్టుకుని లగడపాటి సమైక్యవాదానికి అనుకూలంగా రాతలైతే రాస్తున్నారు కానీ వారెవరూ సీపీఐ యొక్క ఆదర్శాలు మాత్రం పంచుకోలేక తమవి విశాలాంధ్ర భావాలు కావు విష అంధ భావాలని నిరూపించుకున్నారు. తెలుగు భాషమీద నిజంగా ప్రేమ ఉన్న వారు ఒక్క రాష్ట్రంలో ఉన్నా రెండు రాష్ట్రాల్లో ఉన్నా భాష ఉన్నతికి తోడ్పడతారు. తెలుగు మాట్లాడేవారు అనేకులు ఇతర రాష్ట్రాల్లోనూ, ఇతర దేశాల్లోనూ ఉండి తెలుగు భాషకు తొడ్పాటునిస్తూ పరిపాలనకూ, భాషాభివృద్ధికి సంబంధం లేదని నిరూపిస్తున్నారు. కానీ ఏనాడూ తెలుగు మాట్లాడే ఇతర రాష్ట్రాల ప్రాంతాలని కలపాలని ఉద్యమాలు చెయ్యనివారు,  తెలుగులో రాయడం కూడా చేతకానివారు ఇప్పుడు తెలుగు వారు తమకోసం ఇంకోరాష్ట్రం కావాలంటే మోకాలడ్డుతున్నారు.

సీపీఐ లాంటి నిజాయితీ గల పార్టీలకు తెలంగాణ ప్రజల మద్దతు ఎప్పుడూ ఉంటుంది. రేపు నిజాం కాలేజీ గ్రౌండ్స్‌లో జరగబోయే సీపీఐ బహిరంగ సభ విజయవంతం కావాలని ఆశిద్దాం.

ఉద్యమంలో మీడియా మేనేజ్మెంట్ - ABN దొంగ లెటరు

తెలంగాణ విషయం తేల్చమని ప్రజాధనం వెచ్చించి కేంద్రప్రభుత్వం ఒక కమిటీ వేస్తే అది తెలంగాణ సమస్య పరిష్కారానికి మార్గాలు సూచించడం మానేసి ఏవిధమైన అనైతిక, మోసపూరిత చర్యలు చేపడితే తెలంగాణ ఉద్యమాన్ని అణచివెయ్యొచ్చో ఒక రహస్య నివేదిక రూపొందించింది.

ఈరహస్యనివేదిక అనైతిక సూచనలలో ముఖ్యమయినవి తెలంగాణ ఉద్యమ నేతలకు పదవుల ఆశ చూపించి వారిని లొంగదీసుకోవాలి, రాష్ట్ర మీడియాను అడ్వర్టైజ్మెంట్లతో, ఇతర మార్గాలతో లొంగదీసుకోవాలి అని. అదే రిపోర్టులో తెలుగు మీడియాలో ఒక్క రెండు చానెల్లు తప్ప మిగతా టీవీ చానెల్సూ, దినపత్రికలూ ఇప్పటికే సీమాంధ్రకు కొమ్ముగాస్తున్నాయనే రహస్యాన్ని కూడా బహిర్గతం చేసింది.

ఇలాంటి అనైతిక నివేదిక తయారుచేసినందుకు ప్రస్తుతం ఆకమిటీ క్రిమినల్ కేసులు ఎదుర్కొంటుంది. ఈవిధంగా మీడియాను అడ్వర్టైజ్మెంట్ల ఆశ చూపి లొంగదీసుకోవాలని రాయడం మీడియా అసోసియేషన్లు నిర్ద్వందంగా ఖండించాయి. ఈపరిస్థితిని గమనించిన సీమాంధ్ర నేతలకూ, శ్రీక్రిష్ణ కమిటీని అప్పటిదాకా ఆకాశానికి ఎత్తిన సీమాంధ్ర వాదులకూ నోట్లో పచ్చి వెలక్కాయ పడ్డట్టు అయింది.మీడియా మేనేజ్‌మెంట్‌పై పోయిన పరువు మల్లీ తెచ్చుకోవడం కోసం తెలంగాణ వాదులకు కూడా ఇదే మచ్చను అంతగట్టడం కోసం చూస్తున్నాయి.

సీమాంధ్ర మీడియాలో భాగమయిన ABN చీఫ్ రాధాక్రిష్ణ టీఆర్పీలో అట్తడుగున ఉంటూ తమ చానెల్ స్థాయిని పెంచుకోవడం చేతకాక ఇతర చానెల్స్ పై బురద చల్లడం మొదలు పెట్టాడు. ఇతకుముందు ఆంధ్రజ్యోతిలోనే పని చేసిన రామచంద్రమూర్తి తనకంటే ఎక్కువ పేరు తెచ్చుకోవడం కూడా ఇతను సహించలేకపోతున్నాడు. రాధాక్రిష్ణ తెదేపా లీడరు కోడెల శివప్రసాదరావుతో కలిసి ఈ పన్నాగం పన్ని లెటరు తయారు చేశాడు. లెటరు సారాంశం తెరాస HMTV వారి దశ-దిశ కార్యక్రమాన్ని మేనేజ్ చేసిందని. ఆకాశం మీద ఉమ్మేస్తే అది తిరిగి మన మీదే పడినట్లు ఈసంఘటన తరువాత ABN ఆశించినట్లు మీడియా వర్గాల్లో ఎవరూ ఈలెటరును సీరియస్గా తీసుకుపోగా రాధాక్రిష్ణ పరువే పోయింది.

ప్రస్తుతం తెలుగు మీడియా అంతా ఒక్కొక్కరు ఒక్కో నాయకుడికీ, పార్టీకి కొమ్ముగాస్తూ ఉంటే మీడియా విలువలు చక్కగా పాటిస్తున్న ఏకైక చానెల్ HMTV. తెలంగాణ అంశంపై ఒక వేదికపై ఇంతవరకూ దశ-దిశ కాకుండా మరెక్కడా అర్ధవంతమయిన చర్చ జరుగలేదనేది సత్యం, అసెంబ్లీతో సహా.

తెలుగు మీడియాలో ఒక్కొక్కటి ఒక్కో పార్టీకి ప్రాతింధ్యం వహిస్తున్నా అన్ని పార్టీలూ సీమాంధ్ర అధినేతల చెప్పుచేతల్లో నడుస్తున్నట్లు అన్ని మీడియా సంస్థలనూ సీమాంధ్ర వ్యాపారులే నడిపిస్తున్నారు. డిసెంబరు 9 తరువాత వీరంతా సీమాంధ్రకు కొమ్ముగాస్తూ తెలంగాణ వ్యతిరేక కధనాలు వండుతున్నారనేది అందరికీ తెలిసిందే. వీరు టీఆర్పీ పెంచుకోవడానికి నలుగురు నాయకులను పిలిచి ఒకరినొకరు తిట్టుకునే టాక్‌షోలు రోజూ పెడతాయి, మధ్యమధ్యలో వార్తలకు వారి వ్యూస్ జోడించి ఉద్యమాన్ని తప్పుగా చిత్రీకరించే ప్రయత్న చేస్తాయి తప్ప ఎప్పుడూ అర్ధవంతమయిన చర్చలు పెట్టవు. ఎందుకంటే నిజమయిన చర్చలో నిజాలు బయటికి వస్తాయి, అప్పుడు తెలంగాణకు జరిగిన అన్యాయాలు బయటికి వస్తాయి, అది వారికి ఇష్టం ఉండదు.

ఇలాంటి పరిస్థితిలో అన్ని ప్రాంతాలు తిరిగి అందరు మేధావులకు, విద్యావంతులకూ, వివిధ సంఘాల నేతలకూ అవకాశం ఇచ్చింది HMTV దశ-దిశ మాత్రమే. ఇది సీమాంధ్ర మీడియాకు కంటకింపుగా తయారయింది, కారణం తెలంగాణ ఉద్యమానికి సంబంధించిన  నిజాలు బయటికి రావడంతో పాటు HMTVకి క్రెడిట్ రావడం.

ఇప్పుడు HMTV దశ-దిశపై బురద జల్లడంలో భాగమే ఈ తెరాస లెటరు. అసలు నిజంగా మీడియాతో కుమ్ముక్కు అయితే ఎవరయినా సొంత సంతకంతో లెటర్లు రాసుకుని డాక్యుమెంటరీ ఎవిడెన్సులు తయారుచేస్తారా? కొసమెరుపేమిటంటే ఇంతవరకూ శ్రీక్రిష్ణ కమీషన్ మీడియా మేనేజ్మెంటు సూచనలను ఎన్నడూ ఖండించనివారూ, పైగా సమర్ధించినవారూ ఇప్పుడూ ఈలెటరు నిజమయినదా కాదా అని కనీసం వెరిఫై చేసుకోకుండా తెలంగాణ ఉద్యమంపై విషం చిమ్మేస్తున్నారు. ఇలాంటి పక్షపాత జీవులు ఎప్పటికైనా ఎదుటివారి దృక్పధాన్ని అర్ధం చేసుకుంటారనేది కళ్ళ. వీరి వాదనలు చూస్తుంటేనే తెలంగాణ ఎందుకు అవసరమో తెలిసిపోతుంది.

ఇట్లాంటి లెటర్ తనకేదీ అందలేదని, ఇది కేవలం దుష్ప్రచారమని శ్రీరామచంద్రమూర్తి గారు. ఇప్పటికే ఖండించినారు. కొత్తగా విశాలాంధ్ర మహాసభ అనే వెబ్ సైటూ, బ్లాగూ పెట్టుకున్నవారు కొత్తబిచ్చగాడికి పొద్దెరగదన్నట్లూ రోజూ ఏదో చత్త తెచ్చి రాస్తున్నారు. వీరిది ఎంత దిగజారుడు కార్యక్రమం అంటే బ్లాగు పెట్టుకుని రెండు నెలలయినా ఇంతవరకూ వారు ఒక్క విషయంలో కూడా తెలంగాణ ఉద్యమంలో తప్పు ఎత్తిచూపడం గానీ, సమిక్యంగా ఎందుకు ఉండాలో చెప్పడం గాని చెయ్యలేకపోగా తమకు సొంతంగా రాయడం చేతకాక బ్లాగుల్లో ఎక్కడ ఎవరు తెలంగాణ ఉద్యమానికి వ్యతిరేకంగా రాసినా తెచ్చి తమ బ్లాగులో పెట్టుకుంటారు. ఇలా తమ బ్లాగు టీఆర్పీ పెంచుకునే ప్రయత్నంలో మరో పొరపాటే ఏమాత్రం అవగాహన లేకుండా నిజానిజాలు తెలియకుండా ఒక లెటరు కనపడగానే తెచ్చి ప్రచురించడం. ఇలా వీరు తమ సిగ్గులేనితన్నాన్ని చూపించుంటూ సమైక్యంగా ఉండడం అంటే అర్ధం తెలంగాణ ఉద్యమంపై విషం చిమ్మడమే అనే కొత్తనీతిని మొదలుపెట్టారు. VMS, shame on you!!

కలిసి ఉంటే కలదు సుఖం (నాకుమాత్రమే!!)

Image taken from http://www.gideetelangana.blogspot.com/
రాష్ట్రం మొత్తం ఇప్పుడు ప్రత్యేక, సమైక్య వాదులుగా చీలిపోయింది. రెండు వర్గాలవారూ తాము చెప్పేదే రైటూ, అవతలివారిది అబద్దాలు అంటారు. ఇంతకూ సమైక్యవాదం, ప్రత్యేక తెలంగాణవాదం ఈ రెండు వాదనలలో ఉన్న తేడాలేమిటి?

- తెలంగాణా కోరుకునే వారు మాట్లాడేది మానీళ్ళు, మాఉద్యోగాలు, మాప్రాంతానికి ఫండ్సూ అని, ఇవన్నీ ఇన్నిరోజులు సరిగ్గా పంచబడలేదు కాబట్టి మాకు స్వయంపాలన కావాలని. సమైక్యవాదులు చెప్పేది మనదంతా ఒకే భాష కాబట్టి అంతా కలిసే ఉండాలి అని. నీళ్ళు, నియామకాలలో అన్యాయం జరుగుతుందని వాపోతుందన్నవారు కేవలం భాషను చూసి కలిసిఉండాలంటే ఎలాఉంటారు? సమాన అవకాశాలు, సమాన న్యాయం లేకుండా సమైక్య భావన ఎలా ఉంటుంది? కడుపు కాలుతుంటే తెలుగుజాతి గౌరవం అంటూ నినాదాలు ఎవరిని ఉత్తేజపరుస్తాయి?

- ఒక వ్యక్తి తెలంగాణా కావాలని వాదిస్తే అది తనకోసం కాదు, తనప్రాంతంలో ఉండే సామాన్యుడి కోసం. తెలంగాణా వస్తే బ్లాగుల్లో ఆర్టికల్స్ రాసుకునే ఐటీ ఉద్యోగికి ఒరిగేదేమీ ఉండదు, కానీ తాను వాదించేది తనకోసమో లేక తనలాంటి ఉన్నతవర్గం కోసమో కాదు. తెలంగాణా వాదులు వాదించేది ఎకరం భూమి ఉండి సాగునీటికోసం  దశాబ్దాలతరబడి ఎదురుచూస్తున్న ఒక రైతుకోసమో, ఒక డిగ్రీ చదివి ప్రభుత్వ ఉద్యోగం కోసం ఎదురుచూసే బీద మధ్యతరగతి యువకులకోసమో లేక ఫ్లోరైడ్‌తో జబ్బులు తెచ్చుకుంటున్న సామాన్యుడికి తాగునీటికోసమో.

ఒక సమైక్యవాది వాదించేది మాత్రం సీమాంధ్రలోని సామాన్యులకోసం కాదు (తెలంగాణలోని సామాన్యుడికోసం అసలు కాదు, ఐడియల్గా సమైక్యవాది ఇరుప్రాంతాలవారికోసం మాట్లాడాలి). హైదరాబాదులో భూములధరలగురించి, హైదరాబాదులో ఉండే ధనిక సీమాంధ్రులకోసం, తను లేక తమలాంటి రిచ్ అండ్ ఎలైట్ కోసం.

- తెలంగాణావాదులు మాట్లాడేది తమ ప్రాంత సామాన్యులకు న్యాయంగా రావాల్సిన నీల్లు, నిధులు, ఉద్యోగాలకోసం. సమైక్యవాదులు మాట్లాడేది తము ఇప్పటిదాకా అక్రమంగా కొల్లగొడుతున్న నీల్లు, నిధులు, ఉద్యోగాలకోసం.

- తెలంగాణ ఉద్యమం పేద మధ్యతరగతి ప్రజల, వెనుకబడిన తరగతులు, దళితుల ఉద్యమం. సమైక్య వాదన మాత్రం ధనిక అగ్రకుల వర్గాలవారి వాదన, సీమాంధ్ర సామాన్యులలో, సీమాంధ్ర దళిత వెనుకబడినవారిలో లేని భావన.

- తెలంగాణ వాదులు చెప్పేది తాము స్వయంగా అనుభవించిన వివక్షను గురించి. సమైక్యవాదులు చెప్పేది వివక్ష అనేది అబద్ధం, అంతా బాగానే ఉంది అని. మీరు అనుభవించనిదాన్ని అబద్ధం అని ఎలా చెబుతారు? కడుపుకాలిన వాడు నాకు ఆకలవుతుందని చెబితే పక్కన ఉన్న కడుపు నిండిన వాడు నీ ఆకలి అంతా ఉట్టి అబద్ధం అంటే ఎలాఉంటుంది?

- హైదరాబాదులో ఉండే కొద్దిమంది సెక్యూరిటీకి నష్టం అనే ఊహజనిత వాదన గురించి, కనీసం మిగతా తెలంగాణ ప్రాంతంలోని సీమాంధ్ర సెటిలర్ల సెక్యూరిటీగురించి కూడా కాదు.

మరి ఇందులో ఏది అసలయిన ఉద్యమం, ఏది అబద్దపు ఉద్యమం?

part of the content used from http://sujaiblog.blogspot.com/search/label/Telangana?updated-max=2010-02-25T12%3A03%3A00%2B05%3A30&max-results=20

గ్రామ స్వరాజ్యాలు, జిల్లా ప్రభుత్వాలు - సర్వరోగ నివారిణి

మన స్వయంప్రకటిత మేధావి జేపీ నారాయణ తెలంగాణ ఊసెప్పుడు వచ్చినా వేసే రికార్డు జిల్లా ప్రభుత్వాలు. మేము మా మానిఫెస్టోలో పెట్టిన జిల్లా ప్రభుత్వాలే సర్వరోగ నివారిణి, తెలంగాణా సమస్యకు మూలకారణాలన్నీ మా జిల్లా ప్రభుత్వాలతో తొలగిపోతాయి అంటాడు. ఈమధ్యన విశాలాంధ్ర మహాసభ అంటూ పెట్టుకున్నవారు గాంధీ చెప్పిన గ్రామస్వరాజ్యం అమలు చేస్తే చాలు, చిన్న రాష్ట్రాలు ఏర్పాటు చెయ్యవలసిన అవసరం లేదు అని చెబుతున్నారు.

అసలు state reorganization committy ఏర్పాటుచేసినప్పుడు ఆరోజుల్లోనే అంబేద్కర్ రాబోయే సమస్యలను కల్లకు కట్టినట్లుగా ఊహించి తన రిపోర్టులో పొందు పరిచారు. రాష్ట్రాలు పెద్దవయితే అభివృద్ధి చెందిన వర్గం వారు బలమయిన వర్గంగా తయారయి మిగతావారి అవకాశాలను కొల్లగొట్టే అవకాశం ఉంది, బలహీనమయిన వారు ఎక్ష్ప్లాయిటేషన్‌కు గురవ్వొచ్చు అని రాశారు. అలాగే ఒకే రాష్ట్రంలో ఒకటికంటే ఎక్కువ భాషలు మాట్లాడే ప్రజలు ఉంటే వారిమధ్య ద్వేషాలు పొడసూపే అవకాశంకూడా ఉంది అని రాశారు. కాబట్టి అంబేద్కర్ ప్రతిపాదన ఏమిటంతే ఒకభాష మాట్లాడే ప్రజల్లో ఎన్ని విభిన్న ప్రాంతాలు ఉంటే అన్ని రాష్ట్రాలు ఏర్పాటు చెయ్యాలి. గాంధీగారి ఫాన్సీ ఐడియాలలాగా కాకుండా అంబేద్కర్ ప్రాక్టికల్గా ఆలోచించి చెప్పడనేదానిలో సందేహం అక్కరలేదు.
అధికార వికేంద్రీకరణ, గ్రామస్వరాజ్యం, పంచాయితీలకు ఎక్కువ అధికారాలు, జిల్లాలకు ఎక్కువ నిధులు అందరూ అడిగేదే, అందులో కొత్తవిషయం ఏమీలేదు, అందరూ అడిగేదే. అయితే ఇదే సర్వరోగనివారిణి, ఇలాచేస్తే తెలంగాణా అవసరం లేదు, చిన్నరాష్ట్రాల అవసరం లేదు అనే వాదనమాత్రం పూర్తిలోపభూయిష్టమయినది.

గ్రామస్వరాజ్యం గానీ, జిల్లాప్రభుత్వాలుగానీ వ్యవస్థీకృత వివక్షను అడ్డుకోలేదు. ఒకపంచాయితీకి తమ ప్రాంతానికి కాలువలద్వారా నదీజలాలను తరలించే అధికారం ఏగ్రామ స్వరాజ్యం వచ్చినా ఉండదు. జిల్లా ప్రభుత్వాలు 610 జీవోను అమలు చెయ్యలేవు, ప్రభుత్వ శాఖలలో, పబ్లిక్ సర్వీస్ కమీషన్ లలో నియామకాలు, పదోన్నతులలో జరిగే వివక్షను అడ్డుకోలేదు, దొంగ రెసిడెన్సీ సర్టిఫికెట్ల పంపిణీ అరికట్టలేదు, ఉన్నత విద్యాలయాలు, యూనివర్సిటీల ఏర్పాటులో, నిధులపంపిణీలలో జరిగే వివక్షను అడ్డుకోలేదు. మరి ఈజిల్ల ప్రభుత్వాల సర్వరోగనివారిణీ తెలంగాణా ప్రజలు చెబుతోన్న ఏసమస్యను తీర్చగలదు?

కాబట్టి ఇక్కడి ప్రజలు కోరుకునేదేమంటే అధికారవికేంద్రీకరణ, లోకల్ బాడీలకు ఎక్కువ అధికారాలు దేశవ్యాప్తంగా అన్ని రాష్ట్రాల్లో అమలు చెయ్యాలి, కానీ దానికి తెలంగాణాతో గానీ చిన్నరాష్ట్రాలఏర్పాటుతోగాని లింకు పెడితే లాభంలేదు. ఇక జయప్రకాశ్ నారాయణగారు వారి ఫ్యాన్సీ ఐడియాలను ముందు ఏదో ఒకప్రాంతంలో పైలట్ ప్రాజెక్టులాగా అమలుచేసి నిరూపించాలి అంతే గానీ ఊరికే ఉపన్యాసాలు దంచి ప్రజలమీద ప్రయోగాలు చేస్తానంటే లాభం లేదు.

తెలంగాణ, సీమాంధ్ర సామాజిక స్థితిగతిలో తేడాలు

సమైక్యవాదులు రాష్ట్రాన్ని ఎందుకు విడదీయగూడదో వాదిస్తూ మనదంతా ఒకేజాతి, మనం ఎన్నో ఏళ్ళనుండీ కలిసే ఉన్నాము కావాలంటే ఫలానా మ్యాపులు చూడండి అని వాదిస్తారు. అలాగే తెలంగాణ వాదులు మనం ఎప్పుడూ పూర్తిగా కలిసి లేము కావాలంటే ఫలానా ఫలానా మ్యాపులు చూడండి అని వారూ చెబుతారు. అసలు రాష్ట్రానికి జాతి ఏమిటో, ఎందుకు అవసరమో నాకయితే అర్ధం కాదు, ఇద్దరి వాదనలూ అనవసరమయినవే అని నా భావన. భారతదేశంలో ఉంటున్నాం కనుక మనందరిదీ భారత జాతి అనుకుంటున్నాము. భారతదేశం నిజానికి కొన్ని వేల విభిన్న జాతుల సమాహారం. మనరాష్ట్రంలోనే ఎన్నో జాతులూ,ఉపజాతులు ఉండవచ్చు. కాబట్టి ఒకజాతికి ఒక రాష్ట్రం అనేది ఇప్పుడూ లేదు, ఎప్పటికీ సాధ్యం కాదు అనేది నా అభిప్రాయం.

ఒక రాష్ట్రంగా ఉండడానికి కావలసింది పరిపాలనా సౌలభ్యం, ప్రజల సామాజిక జీవనంలో సమతౌల్యత. కాబట్టి నేను జాతి అనే అంశం జోళికి వెల్లకుండా ఆంధ్రా, తెలంగాణ ప్రజల సామాజిక జీవనంలో ఉన్న తేడాలేమిటి, అవి సమైక్య రాష్ట్రంలో తెలంగాణా ప్రజల ప్రయోజనాలను  ఎలా ప్రభావితం చేస్తున్నాయి అనే అంశం మీద ఫోకస్ చెయ్యడానికి ప్రయత్నిస్తున్నాను. ఇందులో ఎవరిది మంచీ, ఎవరిదీ చెడూ అనే జడ్జిమెంటల్ ధోరణిలోకి వెల్లకుండా ఈతేడాలు పరిపాలనను ఎలా ప్రభావితం చేస్తున్నాయనేదే ఆలోచించాలి.

తెలంగాణా ఎక్కువకాలం నైజాం పరిపాలనలో ఉండి ముస్లిములు, మరాఠీ, కన్నడ ప్రాంతాలతో కలిసి ఉంది. తెలంగాణాలో ముందునుండీ మార్వాడీలు, సింధీలు, గుజరాతీలు కూడా వ్యాపారాలు చేసుకున్నారు. దీనివల్ల తెలంగాణ ప్రజలలో ఒకలాంటి కాస్మోపాలిటన్ జీవన విధానం ఉంది. వారు భేషజాలు లేకుండా కొత్తవారిని తమలో కలుపుకుంటారు. ఆంధ్రాలో ఈపరిస్థితి తక్కువ. వారు కొత్తప్రాంతాలకు వెల్లినప్పుడు అక్కడివారితో కలుస్తారు కానీ తాము  మెజారిటీ ఉన్నప్పుడు కొత్తవారిని తమలో కలుపుకోవడం ఇక్కడివారికి కొంచెం కష్టం. అనుకే నైజాం కాలంలో ఆంధ్రానుండి ఉద్యోగరీత్యా తెలంగాణాకు వచ్చినవారు బాగానే ఉన్నారు, కానీ తెలంగాణనుండి కూలిపనులకోసం ఆంద్రాకు వెల్లినవారు ఇబ్బందులు ఎదుర్కొన్నారు. ఇప్పటికీ తెలంగాణా కార్మికులు పొట్టకూటికోసం షోలాపూర్, భీవండి, బొంబాయి, నౌసారి, సూరత్ వెలుతుంటారు కానీ ఎవ్వరూ ఆంధ్రా ప్రాంతం మాత్రం వెల్లలేరు, వెల్లి అక్కడివారితో ఇమడలేరు.

తెలంగాణాలో ఎక్కువమంది వెనుకబడిన కులాలకు చెందినవారు. దేశంలోని అన్నిప్రాంతాలలాగే ఇక్కడకూడా కులాల పట్టింపులు ఉన్నాయి, కానీ కులాల దురభిమానం మాత్రం లేదు. బీసీల్లో ఎక్కువకులాలు ఉండడం వల్ల ఏకులంకూడా మిగతావారిపై ఆధిపత్యం చేయాలని చూడరు. ఉన్నతకులాలయిన రెడ్డి, వెలమలో కూడా కొద్దిమంది మాత్రం మునుపటి దేశ్ముఖ్లకు చెందినవారు, ఇప్పటికీ వారే కాంగ్రేస్లో ముఖ్యనాయకులు, కానీ ఎక్కువమంది ఉన్నతకులాలవారు మధ్యతరగతి వారే. ఇక్కడ కులాల గుంపులు, తగాదాలు పెద్దగా ఉండవు. కనుక ఎవరో ఒక కులం నాయకుడు పెద్ద నాయకుడు అయిపోడు. అలాగే తెలంగాణాలో వ్యక్తిపూజ తక్కువ, ఏనాయకున్నీ తెచ్చి నెత్తినపెట్టుకోరు. ఎవరికీ అన్‌కండీషనల్ సపోర్ట్ ఇవ్వరు. పద్దతిగా ఉంటే గెలిపిస్తారు, లేకపోతే వోడిస్తారు. కమ్యూనిస్టుల ప్రభావం కూడా ఎక్కువ.

సీమాంధ్రాలో పరిస్థితి ఇలాకాదు. ఇక్కడ ఉన్నతకులాలకు చెందినవారు ఎక్కువకాగా వారిలో ఆధిపత్య పోరు కూడా ఎక్కువే. ఏ ప్రొఫెషనల్ కాలేజీకి వెల్లినా, యూనివర్సిటీకి వెల్లినా విద్యార్థులు కులాలపేరుతో గుంపులు కడుతారు. ప్రవాసభారతీయుల్లో రాష్ట్రాలవారీగా జనం కలిసిపోతే సీమాంధ్రులు మాత్రం తెలుగువారిలోకూడా కులాలవారీగా జట్లు కడతారు. ఇక్కడి మూడు పెద్దకులాలవారు మూడు పార్టీలకు ప్రస్తుతం సపోర్ట్ ఇస్తున్నారు. వీరి మద్దతు అన్‌కండీషనల్....వీరి నాయకులు ఎంత నీచానికి దిగజారినా వారు మద్దతు ఇస్తూనే ఉంటారు. అందుకే ఎంతో చదువుకున్నవారిలో  కూడా జగన్ అవినీతిని సమర్ధించేవారున్నారు,  చిరంజీవి చేతకానితనాన్ని సమర్ధించేవారూ ఉన్నారు. చంద్రబాబు మోసపూరిత రాజకీయాలను సమర్ధించేవారూ ఉన్నారు, కేవలం కులం కారణం వలన. ఇందుకు భిన్నంగా తెలంగాణాలో ఏనాయకుడికీ అన్‌కండీషనల్ మద్దతు ఉండదు, కనీసం కేసీఆర్‌కు కూడా.

సీమాంధ్రా రాజకీయాల్లో ఏకులం వారు ఆకులం నాయకులు గెలవాలనుకుంటారు, సహజంగానే వారి నాయకులు గెలిస్తే ఆకులానికి, లేక ఆకులం ఎక్కువగా ఉండే ప్రాంతానికి మేలు చెయ్యడానికి ప్రయత్నిస్తారు. వీరి అన్‌కండీషనల్ సపోర్ట్ వలన సీమాంధ్ర నాయకులు రాజకీయంగా ఎక్కువబలంగా ఉంటారు. అందుకే ఇక్కడ బలమయిన నాయకత్వం తయారవుతుంది. ఎక్కువమంది చెప్పేట్లుగా ఎప్పుడూ సీమాంధ్రాకే అధికారం రావడానికి కారణం అక్కడ ఎక్కువమంది ఎమ్మెల్యేలు ఉండడం కాదు, పై కారణాలవలన ఎక్కువ బలమయిన నాయకత్వం ఎదగడం అందుకు కారణం. అందుకే ఈపరిస్థితులు లేని ఉత్తరాంధ్రలో తెలంగాణాలాగే ఎప్పుడూ బలమయిన నాయకత్వం ఎదగలేదు, వారికి అధికారం దక్కలేదు.

ఈతేడాలవలన తెలంగాణాకేం నష్టం, ఇవన్నీ ఆయా ప్రాంతాలకు సంబంధించిన వ్యవహారాలు అని వాదించేవారు తెలుసుకోవల్సిందేమంటే సీమాంధ్రలోని ఈఫ్యూడల్ పరిస్థితులవల్ల ఏరాజకీయపార్టీలోనయినా రాష్ట్రానికి సంబంధించి బలమయిన నాయకుడు సీమాంధ్రలోనే ఉంటాడు, ఏకులం వారికి అధికారం చిక్కినా అధికారం ఉండేది సీమాంధ్ర చేతిలోనే, వీరెప్పుడూ ఆప్రాంత ప్రయోజనాలగూర్చే ఆలోచిస్తారు. పొరపాటున ఎప్పుడయినా తెలంగాణా నాయకుడికి అధికారం వచ్చినా అది తొందరలోనే ఊడిపోతుంది. ఒకవేళ అధికారంలో వారున్నా వారికి సీమాంధ్ర నాయకులలాగా తమ కుల, ప్రాంతాల అన్‌కండీషనల్ మద్దతు ఉండదు కనుక వారు ఒకప్రాంతానికే ముఖ్యమంత్రి, ప్రధానమంత్రులుగా వ్యవహరించరు. మరి ఈపరిస్థితిలో తెలంగాణా ప్రజలు సీమాంధ్రను అనుకరించి ఫ్యూడల్ వ్యవస్థలోకి వెల్లాలా లేక ముందుకు వెల్లాలా?

ఈకులతత్వానికి తోడు రాయలసీమలో ఉండే ముఠాతగాదాలవల్ల రాయలసీమ నాయకత్వం కోస్తానాయకత్వం కంటే కూడా బలంగా ఉంటుంది. అందుకే ఎక్కువ సార్లు అధికారంలోకి వచ్చేది రాయలసీమ వారే. వీరి తోడ్బాటువల్ల అక్కడిఫాక్షన్ నాయకులు హైదరాబాదు లాంటి ప్రాంతాలలో రియల్ ఎస్టేట్ సెటిల్మెంట్లూ, మైనింగ్ మాఫియాలూ తయారవుతున్నాయి. ఇవన్నీ తెలంగాణా ప్రజల ప్రయోజనాలకు నష్టం కలిగిస్తున్నాయి. ఇది తెలంగాణ ప్రజలలో మనం ఈసీమాంధ్ర వారితో గెలవలేము, విడిపోతే మనవాటా మనం చూసుకోవచ్చు అనే ఒక మైండ్‌సెట్ కు దారితీయడంలో తప్పులేదు.

సీమాంధ్రా ప్రజలను విమర్శించడం నాఉద్దేషం కాదు, నేను ఇది తప్పు, ఇది ఒప్పు అని జడ్జ్ చెయ్యట్లేదు, అయితే ఈతేడాలు తెలంగాణా (కొంతవరకూ ఉత్తరాంధ్రా) ప్రజల ప్రయోజనాలకు నష్టం ఎలా కలుగజేస్తున్నాయో మాత్రమే చెబుతున్నాను. మరి ఈపరిస్థితిలో విభజన జరగడమే ఇరువర్గాలకూ ఉత్తమం.