తేగీ!!
భాష యొక్కటె మనదని బాసలాడి
మభ్యపెట్టిరి, ఏమార్చి మాయ జేసి!
మభ్యపెట్టిరి, ఏమార్చి మాయ జేసి!
ఒక్కటైనంక జూపిరి నక్కబుద్ధి
నీళ్ళు, కొలువులు, నిధులను కొల్లగొట్టి!!
తేగీ!!
ఆరు వందల పదిజీవొ అమలుకాదు,
సాగునీటిపై దోపిడీ సమిసిపోదు
నిధుల తరలింపు ఆగదు నేటివరకు
ఎవరి బాగుకై సమైక్య? ఏది నీతి?
తేగీ!!
కలిసిరవసరం కోసమై పిలిచి వీరు,
వీరె తమ స్వార్ధ లాభమై వీడ జూచె!!
మేము విడిపోవ కోరగా, తామె మరల
నేడు సమైక్య నాటకం ఆడ సాగె !!
తేగీ!!
మీరు మేమంత ఒక్కటే వేరు కాదు
యనుచు విభజన కడ్డుగా జనుచు వారె,
తోటి యువకుల చావుల తూలనాడి,
వెక్కిరింతురు, నగుదురు ఫక్కుమనుచు!!
No comments:
Post a Comment
Your comment will be published after the approval.