గొంతెమ్మ కోరికలు

కిరణ్‌రెడ్డి నేతృత్వంలోని సీమాంధ్ర సర్కారు మంత్రుల బృందానికి తమ కోరికలు తెలుపుతూ ఒక నివేదిక ఇచ్చిందంట. ఇంకా విభజన జరగలేదు గనుక ఇది వాస్తవానికి ఉమ్మడి ఆంధ్రప్రదేశ్ నివేదిక కావాలి. కానీ ఏనాడు మన ముఖ్యమంత్రులూ, ప్రబుత్వాలూ ఉమ్మడి రాష్ట్రానికి ప్రభుత్వాల్లా వ్యవహరించలేదు, కేవలం తెలంగాణపై పెత్తనం చేస్తూ సీమాంధ్ర ప్రయోజనాలకోసం మాత్రమే పని చేశాయి కాబట్టి సీమాంధ్ర ప్రభుత్వం అనాల్సి వస్తుంది. ఇప్పుడు కూడా ఉమ్మడి రాష్ట్రానికి ప్రాతినిధ్యం వహిస్తున్నట్టు కాకుండా నిస్సిగ్గుగా తమది సీమాంధ్ర ప్రభుత్వం అని తెలియజేస్తూ ఒక నివేదిక సమర్పించారు. ఇందులో కొన్ని మచ్చు తునకలు:

లక్ష ఎకరాలలో సీమాంధ్ర రాజధాని:

లక్ష ఎకరాల్లో ఐదు లక్షల బడ్జెట్‌తో సీమాంధ్రకు రాజధానిని ఏర్పాటు చేయాలంట. ప్రస్తుతం జీహెచ్ఎంసీ  పరిధి లక్షన్నర ఎకరాలు. కనీసం దానిలో మూడింట రెండు వంతులు ఉంటే గానీ తమ రాజధానికి సరిపోదంట. ఈ లక్ష ఎకరాలు అంతా కొత్తగా కావాలంట.  అంటే ఇప్పటికే ఉన్న విశాఖ, విజయవాడ లాంటి నగరాలను అభివృద్ధి చేస్తే అవి లక్ష ఎకరాల నగరాలయినా అలాగొద్దట, పూర్తిగా లక్ష ఎకరాల కొత్త భూమి కావాలంట. దానికోసం అభయారణ్యాలను డీనోటిఫై చేసి చెట్లు కొట్టేసి రాజధానిని ఏర్పాటు చేయాలంట. 

ఒక రాజధానికోసం లక్ష ఎకరాల అడవి కొట్టేయడం ఎందుకు, ఇప్పటికే ఉన్న నగరాలపక్కన స్థలాన్ని తీసుకుని అవసరమయిన బిల్దింగులు కట్టడానికి ఎంత స్థలం కావాలి అని సామాన్యుడికి అనుమానం రావొచ్చు. మరి ఇప్పుడున్న సీమాంధ్ర నగరాలచుట్టూ ప్రైవేటు భూములుంటాయి. అక్కడ రాజధాని ఏర్పాటు చేస్తే ప్రైవేటు వ్యక్తులు తమ భూములు అమ్ముకుని లాభపడతారు, నేతలకు కబ్జాలు చేయడానికి కుదరదు గదా? అదే లక్ష ఎకరాల కొత్త ఆటవీ భూమిని డీనోటిఫై చేసి రాజధాని ఏర్పాటు చేస్తే అందులో మూడొంతులు ఈనేతలు కబ్జా పెట్టొచ్చు గదా. అంత స్థలం కబ్జా చేస్తే గానీ హైదరాబాదు వదులుకున్న ఈనేతల భూదాహం తీరదు. 

హైదరాబాదు భూముల పంపిణీ తిరగదోడొద్దు:

కొత్త రాజధానిలో తమ కబ్జాలకోసం లక్ష ఎకరాలు ఇవ్వడంతోపాటు ఇప్పటిదాకా తాము హైదరాబాదు చుట్టుపక్కల చేసిన కబ్జాలపై సీమాంధ్ర నేతలకు రక్షణ కావాలంట. అందుకోసం హైదరాబాద్ భూముల పంపినీ వ్యవహారాలను తిరగదోడొద్దనేది వీరి మరో విచిత్రమయిన కోరిక.

భద్రాచలం డివిజన్ సీమాంధ్రకివ్వలట:

భద్రాచలం డివిజన్ను  విభజన తరువాత సీమాంధ్ర కిచ్చేయాలట. దీనికి వీరిచ్చే రీజన్: పోలవరం కడితే భద్రాచలం డివిజన్ ముంపుకు గురవుతుంది. కాబట్టి మాకిస్తే ఇబ్బంది ఉండదు, డివిజన్ మొత్తాన్ని ముంచేసి అక్కడి ప్రజలను తరిమి కొడతాం. అక్కడి ప్రజలేం కోరుకుంటే మాకేంతి మా అవసరాలె మాకు ముఖ్యం, మాదగ్గర ఆదివిజన్ ఉంటే అక్కడి ప్రజలను బలిపశువులు చేయొచ్చు లెకపోతే కుదరదనేది వీరి విచిత్ర వాదన.

ఉద్యోగులు కోరుకుంటే తెలంగాణలో ఉండనివ్వాలి:

తెలంగాణలో ఎందరో సీమాంధ్ర ఉద్యోగులు అక్రమంగా ఉన్న విషయం తెలిసిందే. రాష్ట్ర ప్రభుత్వ రికమెండేషన్ ప్రకారం వీరు తెలంగాణలో ఉండాలని కోరుకుంటే వీరికోసం ఖాళీలు లేకున్నా సూపర్ న్యూమరీ పోస్టులు క్రియేట్ చేసి ఇక్కడే ఉండనివ్వాలంట. అంటే విభజన జరిగిన తమ అన్యాయం అలాగే కొనసాగాలంట. 

సింగరేణిలో యాభైఎనిమిది శాతం వాటా కావాలంట:

తెలంగాణ నడిబొడ్డున ఉన్న సింగరేణి కాలరీస్‌ను విభజన అనంతరం సీమాంధ్రకు జనాభా ప్రాతిపాదికన యాభై ఎనిమిది శాతం వాటా ఇవ్వాలంట. విశాఖ ఉక్కులో,పోర్టులో, బెరైటీస్ గనుల్లో మాత్రం తెలంగాణకు వాటా ఉండదు.
  
ఆకాశరాముడు సెలవిచ్చినట్టు దురాశ దఃఖమునకు చేటు తెస్తే సంతోషానికి మంచిదే కానీ ఇది మాత్రం నిజంగా సీమాంధ్ర ప్రభుత్వపు  "దురాశ దుఃఖము, చేటు" తెస్తుంది.