పలు రకాల పలుకుల పరకాల విషవృక్షం

పరకాల ప్రభాకర్ పేరు వినగానే గుర్తొచ్చేది పీఆర్పీ నుంచి వెలుతూ పీఆర్పీ పార్టీ ఒక కంపనీ, ఒక విషవృక్షం అంటూ చెప్పిన డైలాగులు. పాపం, అంతకు ఒక వారం ముందు వరకూ అదే పీఆర్పీ ఆయనకు తనకు ఎమ్మెల్యే పదవిని అందించే కల్పవృక్షంలాగా కనపడింది. టిక్కెట్టు దొరక్కపోతే అదే పీఅర్పీ కాస్తా విషవృక్షం అయిపొయ్యింది. అప్పటికే రెండు పార్టీలు మారి వుండడం వల్ల పాపం ఆతరువాత ఎటెల్లాలో తెల్వక మల్లీ టీవీషోలు చేసుకుంటున్నట్టున్నాడు.

ఈమధ్యన కొత్తగా పాపం పబ్లిసిటీ కొరకు "విశాలాంధ్ర మహాసభ" అంటూ అక్కడక్కడ కాస్త హడావుడీ చేస్తున్నాడు. అంతకు ముందు ఈయనే పీఆర్పీలో ఉన్నప్పుడు తెలంగాణాకు మద్దతుగా భారీగానే స్టేట్మెంట్లు గుప్పిచ్చాడు. సరే ఇప్పుడు పీఆర్పీ విడిచినాక ఏ లగడపాటో, కావూరో కల్పవృక్షాల్లా కనపడి ఉంటారు, స్టాండు మారినట్టుంది.

ఈయన పెద్ద "మేధావి"(??!!) వర్గం కదా, ఎందుకు రాష్ట్రం విడిపోగూడదో ఏదయినా కొత్త విషయం చెపుతాడో చూద్దాం అంటే అదే అరిగిపోయిన టేప్ రికార్డరు. ఆంధ్ర అన్నా తెలంగాణ అన్నా ఒక్కటే, అసలు అలాంటి తేడా ఏమీ లేదు, అంతా ఒకటే, కాబట్టి కలిసుండాలి. ఈమాత్రం చత్త వాదన కోసం మల్లీ కొత్తగా ఈయనెందుకు? తెలంగాణా ఏంటో ఆంధ్రా ఏంటో చంటిపిల్లాడినడిగినా చెబుతాడు, ఇప్పుడు కొత్తగా ఇదిగో చూడండి "ఆంధ్ర మహాసభ" తెలంగాణలోనే వెలిసింది, కాబట్టి అంతా ఒకటే అనికబుర్లు చెబితే ఎవరు వింటారు? అందునా ఇలా పూటకో పార్టీ, గంటకో మాట చెప్పే ఆయారాం గయారాంల వల్ల సమైక్యవాదులకు ఒరిగేదేమిటి?