సమైక్య ఉద్యమాన్ని మోయడానికి ఈనాడు పాట్లు

లక్షలమంది పాల్గొన్న తెలంగాణ ఉద్యమ కార్యక్రమాలను ఎప్పుడూ తక్కువచేసి చూపించే సీమాంధ్ర మీడియా సమైక్యాంధ్ర ఉద్యమాన్ని మాత్రం గొప్పగా చూపించడం కోసం పడరాని పాట్లు పడుతుంది. రోజూ సీఎమాంధ్ర టీవీ ఛానెల్లూ, పత్రికలూ సమైక్యాంధ్ర ఉద్యమ హోరు అంటూ అక్కడక్క పదిమంది కలిసి చేసిన వంటావార్పూ, ఫ్యాషన్ ¨షో, కబడ్డీ ఆట, బడి పిల్లల విన్యాసాలను పెద్దగా చూపిస్తారు.

అయితే మిగతా ఛానెళ్ళూ, పత్రికల విన్యాసాలు ఒకవంతైతే ఈనాడు విన్యాసాలు మరొక వంతు. సీమాంధ్రలో ఎకడ దేనికోసం ధర్ణా చేసినా దానిని సమైక్యాంధ్ర అక్కౌంట్లోనే వేసి చూపిస్తున్నారు. ఇది శ్రుతి మించి చివరికి సమైక్యాంధ్ర ఉద్యమానికి వ్యతిరేకంగా మాబళ్ళు తెరవండి బాబూ అంటూ చేసిన ధర్ణాను కూడా సమైక్యాంధ్ర అక్కౌంట్లోనే వేశారు.

క్రింది వార్త చూడండి. సమైక్యాంధ్ర ఉద్యమంలో ప్రభుత్వ పాఠశాలలను మూసి ప్రైవేటు పాఠశాలలను మాత్రం తెరవడాన్ని నిరసిస్తూ ఎస్సీ, ఎస్టీ పిల్లలు చదివే ప్రభుత్వ పాఠశాలలు తెరవాలని అచ్చయ్యపేట అనే ఊరిలో ధర్ణా చేస్తే ఈనాడు దాన్ని సిగ్గువిడిచి సమైక్యాంధ్ర కోసమే ధర్ణా చేసినట్టు రాసింది.

అంతకుముందు మరోవార్తలో ఒకవ్యక్తి రోడ్డుప్రమాదంలో చనిపోతే సమైక్యాంధ్రకోసం మృతి అంటూ రాసింది.

ఇలా సపోర్టు చేసే మీడియా ఉంటే ఇంకేంకావాలి? ఈవార్తలు పట్టుకుని అచ్చోశిన ఆకాశరామన్నలంతా ఎవ్వరూ పట్టించుకోని సమైక్యాంధ్ర ఉద్యమాన్ని కూడా సీమాంధ్ర యావత్తూ విభజనకు వ్యతిరేకంగా ఉడికిపోతుందని  గుండెలు బాదుకుంటారు. ఎలాగూ తెలంగాణ మీడియా సీమాంధ్రకు వెళ్ళలేదు. వెలితే ఈరౌడీ ఫాక్షన్ మూకలు ఊరుకోరు. కనుక ఏం రాసినా చెల్లుతుందనే ధీమా.