రౌడీయిజం వీరి నైజం

సీమాంధ్ర ఉద్యోగులు సమైక్యాంధ్రకోసం హైదరాబాదులో సభ పెట్టుకున్నారు. ఉద్యోగుల ముసుగులో సభకు విచ్చేసిన సీమాంధ్ర ఫాక్షన్ రౌడీ మూకలు తెలంగాణ ప్రజలకు పీకలు తెగ్గోస్తాం అంటూ సైగ చేసి చూపడంతో పాటు సభపై తమ నిరశన తెలిపిన విద్యార్థులు, ఒక పోలీసు, సీఐ లపై పాశవికంగా సీమాంధ్ర ఫాక్షన్ ముఠాల దాడులను గుర్తుచేస్తూ కొట్టారు.

దాడులకు కొందరి సమర్ధన - "సమైక్యాంధ్ర సభకు వచ్చి జైతెలంగాణ అంటే కొట్టరా" అని. పైగా మారాజధానిలో మేం సభ పెట్టుకుంటే వద్దనడానికి మీరెవ్వరు అనడం. పచ్చకామెర్లతో కళ్ళకు విషమెక్కిన వీరినుండి మనం ఇంతకన్న ఎక్కువ ఆశించడం అత్యాశే.

రాజధాని కదా అనీ ఢిల్లీకి వెల్లి ఢిల్లీ పౌరుల మనోభావాలకు వ్యతిరేకంగా సభ పెట్టుకుంటామంటే అనుమతి ఇస్తారా. ఒకవేళ సభ పెట్టుకుంటే అక్కడి జనం ఊరుకుంటారా?భావోద్వేగాలు తీవ్రస్థాయిలో  ఉన్న ఈసమయంలో సీమాంధ్రులు హైదరాబాద్ వచ్చి తెలంగాణకు వ్యతిరేకంగా సభపెడితే ఉద్రిక్తతలు పెరగవా? అది ఇక్కడి ప్రజలను రెచ్చగొట్టినట్టు కాదా? అలాంటి సభను ఎందుకు పెట్టుకోవ్వాలి? దానికి ప్రభుత్వం ఎందుకు అనుమతినివాలి? సమాధానం తెలుసుకోవడం పెద్ద కష్టం కాదు. సీమాంధ్రకు కొమ్ముగాస్తున్న ముఖ్యమంత్రి తెలంగాణను ఆపడానికి తానేస్వయంగా ఉద్యోగసంఘాలతో మాట్లాడి పెట్టించిన సభ ఇది. సీమాంధ్ర చంచా అయిన డీజీపీ దీనికి నాలుగురోజులు ముందుగానే అనుమతినిచ్చాడు.

సమైక్యాంధ్రసభను పెట్టుకున్న వాళ్ళు సమైక్యతకోసం ఏమన్నా నాలుగు మంచిమాటలు చెప్పారా? ఎందుకు కలిసుండాలో తెలంగాణప్రజలకేమయినా సందేషం ఇచ్చారా? తెలంగాణ ప్రజల సమస్యలేంటి, బాధలేంటి అని విచారించి తెలుసుకోవడానికి ఏమన్నా ప్రయత్నించారా అంటే అదేంలేదు, కేవలం మేము రాష్ట్రాన్ని విడగొట్టనివ్వమని బెదిరించారు. ఎందుకంటే వీరి ఉద్దేషం సమైక్యత కాదు, ఉద్రేకతలు రెచ్చగొట్టడం, తరువాత ఎవరైనా ఒక రాయి రువ్వితే దాన్ని సాకుగా చూపి హైదరాబాదును యూటీ చెయ్యాలని డిమాండ్ చెయ్యడం.

ప్రజాస్వామ్య దేశంలో ప్రభుత్వం నిరంకుశంగా వ్యవహరిస్తుంటే నిరశన తెలపడం ప్రజల హక్కు.అదేలేకపోతే అది ప్రజాస్వామ్యం అవదు, నిరంకుశత్వం అవుతుంది. ప్రజలను రెచ్చగొట్టడానికి పెట్టుకున్న ఈసభను ఆపాల్సిన ప్రభుత్వమే దగ్గరుండి జరిపిస్తుంటే కోపగించిన ప్రజలు చేయగలిగింది నిరశన తెలపడం. అలా నిరశన తెలపడానికి వెళ్ళిన వారికి జరిగిన సత్కారం అనాగరిక సీమాంధ్ర ఫాక్షన్ సంస్కృతిని గుర్తుచేస్తూ పాశవికంగా కొట్టడం.

బాలరాజు యాదవ్ అనే ఓయూ విద్యార్థిని ఎల్బీ స్టేదియం బయట గేటుదగ్గర కడప ఎంజీవోలు రక్తాలు కారేలా కొట్టారు. చేగొండి చంద్రశేఖర్ అనే యువకుడు సభలో జైతెలంగాణ అని నినదించినందుకు తల పగలకొట్టారు. చివరికి కడుపు మండిన ఒక పోలీసు జైతెలంగాణ అన్నందుకు పోలీసును, ఆపడానికి ప్రయత్నించిన ఒక సీఐని పాశవికంగా కొట్టారు. ఎందుకంటే వీల్లకు ప్రజాస్వామ్య భావనలన్నా, ప్రజల ఆకాంక్షలన్నా పడితే కదా?

ఈసభ ద్వారా తేలిందేమిటి?
1. సమైక్యత అనేది ఇక సాధ్యం కాదు
2. సీమాంధ్ర ప్రభుత్వంలో తెలంగాణ ప్రజల ప్రాధమిక హక్కులు గౌరవింపబడవు.
3. సీమాంధ్ర ముఖ్యమంత్రి, డీజీపీ ఉన్నంతవరకూ హైదరాబాదులో, తెలంగాణలో తెలంగాణ ప్రజలకు రక్షణలేదు. ఎంతదూరమైనా వచ్చి మరీ దాడులు చేయగల సమర్ధులు సీమాంధ్రలో ఉన్నారు.


తెలంగాణ ప్రజలపై తెలంగాణలో సీమాంధ్రులు దాడులు చేయడం ఇది మొదటిసారి కాదు. గతంలో చంద్రబాబు పాలకుర్తి సభకు చంద్రదండు పేరుతో తరలి వచ్చిన సీమాంధ్ర గూండాలు తమతో సుమోల్లో కర్రలు తెచ్చుకుని తెలంగాణ ప్రజలపై దాడి చేశారు. అలాగే విజయమ్మ సిరిసిల్ల సభకు కూడా తనతోపాటు సీమ గూండాలను వెంటతెచ్చుకుని ప్రజలపై దాడిచేసింది. ఈరెండు సందర్భాల్లో వీరి వెనక ఉండి నాటకం ఆడించింది ముఖ్యమంత్రి కిరణ్ రెడ్డే. ఇప్పుడు అదే ముఖ్యమంత్రి ఉయోగుల ముసుగులో తెలంగాణప దాడి చేశాడు.

ఇటీవల విద్యుత్ సౌధలో జరిగిన ధర్ణాలో తెలంగాణ ఉద్యోగిపై ఇద్దరు సీమాంధ్ర ఉద్యోగులు దాడి చేసి కొట్టడమే కాక ఉల్టా చోర్ కొత్వాల్ కో డాంటే అన్నట్టు వెల్లి తెలంగాణ ఉద్యోగిపైనే కేసు పెట్టారు. అయితే సీసీ కెమెరా ఫుటేజీల్లో స్పష్టంగా దాడి చేసింది ఎవరో తెలిసిపోవడంతో అడ్డంగా దొరికిపోయారు.

తక్షణం సీమాంధ్ర ముఖ్యమంత్రినీ, డీజీపీనీ గద్దె దించి రాష్ట్రంలో గవర్నర్ పాలన విధించడమో, తెలంగాణా నాయకున్ని ముఖ్యమంత్రిని చేయడమో జరగకపోతే తెలంగాణ ప్రజలపై ఇంకిన్ని దాడులు జరిగే అవకాశం ఉంది. మొన్నటి సభలో తెలంగాణ నిరశనకారులపై సీమాంధ్రుల దాడులు, వాటికి ముఖ్యమంత్రి, డీజీపీల వత్తాసు చూసి ఆగ్రహించిన కేంద్రం అప్పుడె ఆదిశగా ఆలోచిస్తున్నట్లు సమాచారం.